打機就係廢青？ 26歲網紅打機一個月賺56萬美金

佢就係26歲的Tylor Blevins 'Ninja'在Amazon的打機直播平台Twitch平台擁有400萬個粉絲，YouTube有500萬個訂閱，Instagram有100萬粉絲，在Twitter都有100萬粉絲，全部都係為左睇佢打《Fortnite》。

對Tylor而言，粉絲係相當「值錢」，今年3月他曾經同《福布斯》表示，係Twitch直播打機每位訂閱粉絲可以有3.5美金（大約27港元）收入（Twitch平台每月訂閱費為4.99美金）。如果以Tylor 16萬訂閱粉絲計算，每月他就有56萬美金（相當於439萬港元）收入，仲未計YouTube廣告收入同透過Twitch的「Donate」數目，金額相當驚人。

Tylor表示，父親都好鐘意打機，亦都會買俾兒子為理由，經常購買唔同遊戲機，更會打機打到凌晨2、3點。他一路打便發現自己在電競的潛力，更可藉此獲得獎金，之後開始正視打機，並組左一Team，同其他電競選手比賽。他在2009年開始參加電競比賽，曾經同Team Liquid、Renegades等著名電競隊伍比賽。不過現時佢已經無再參與電競比賽，專心在Twitch直播打機。

雖然打機為他帶來不錯收入。但他未有視電競為適合所有人的「搵快錢」途徑，建議具野心的年輕人，應多方面發展自已興趣同技能，「電競已變成競爭非常激烈的行業，未來會怎麼，沒有人知道。」