日本拉麵五強出爐「麺屋 一燈」有份

去得日本點可以唔食拉麵，日本最大型食評網站Tabelog就公佈左最新「The Tabelog Award2018」， 一共有580間餐廳入圍，而拉麵店就只得5間。其中一間入圍的日本拉麵店就係岩岩係尖沙咀海港城開設海外分店的「麺屋 一燈」。

日本人一般都視Tabelog的食店評分具一定的權威性，4分以上的食店基本上都是當地最高質之食店。所以每年公布時備受日本人關注，獎項分作金、銀、銅，金有33間、銀有124間及銅有423間。

拉麵店全日本只得五間上榜，而且全部只獲銅獎，金銀不入。究竟是邊五間拉麵店獲選中呢？

1. 麺屋 一燈

連續5年獲選為東京第一拉麵的「麺屋 一燈」，平均得分高達4.09分，連日本人都讚好，其質素之高可見一斑。「麺屋 一燈」除左日本東京有得食，在台北及香港亦有海外分店。

「麺屋 一燈」最出名的是其招牌濃厚魚介沾麵，湯底濃厚細膩，並非常見的豬骨口味，而是加入了「筑波茜雞」餚製的雞湯。而且每日只售一百碗，想食的朋友記得早D去排隊。

Tabelog評分：4.09（最高為5分）

地址：東京都葛飾區東新小岩1-4-17

2. 中華蕎麦 とみ田

第二高分的「中華蕎麦 とみ田」位於東京近郊的千葉縣，要在午餐時吃到其拉麵，就要提早幾個鐘攞籌。切記切記店內唔俾拍攝，只可以影食物。




豚骨魚介沾麵，叉燒以真空低溫燻製；食完沾麵再加湯時，可再加碎叉燒、葱或柚子，令其湯更加特別。

Tabelog得分：4.07

地址：千葉縣松戸市松戸1339高橋ビル1F

3. Homemade Ramen 麦苗

第三高分的「麦苗」 店面行文青風格，自開幕以來已成當地人龍店。主打每日限定供應的雞湯為醬油拉麵和魚介類湯頭的煮干拉麵。



雞湯以山形縣的雞熬成，再加上本枯鰹節、魚乾、真昆布等材，味道濃得來亦清徹。該店經常大排長龍，因麵條為自家製，以北海道小專粉製成，麥味芬芳。

Tabelog得分：4.05

地址：東京都品川區南大井6-11-10

4. 和 dining 清乃

曾於2016年日本全國拉麵中排第二的「和 dining 清乃」和歌山第一的拉麵，店內提供4款拉麵，分別用上其自家製麵工房出產的4種不同麵條，再配上不同湯底製成。



最出名的醬油拉麵，用和歌山當地著名醬油工場的3年熟成醬油，而麵條則是每日新鮮製造，彈牙之餘掛湯力亦強。

Tabelog得分：4.04

地址：和歌山縣有田市野696

5. らぁ麺屋 飯田商店

「らぁ麺屋 飯田商店」是神奈川最強的拉麵店，評分高過當地其他拉麵店。其沾麵湯底用三種不同的日本名物雞種熬成。



Tabelog得分：4.00

地址：神奈川縣足柄下郡湯河原町土肥 2-12-14